У Заслаўі ў Мінскім раёне фура з 14 тонамі аконнага шкла трапіла заднімі левымі коламі ў вадаправодны калодзеж. Як інфармуе sputnik.by, кіроўца пераблытаў вуліцы. Фура з расійскімі нумарамі прывезла груз для аднаго з мясцовых прадпрыемстваў, але заехала ў іншае месца, дзе трапіла ў пастку. Давялося на дапамогу выклікаць ратавальнікаў. На месца прыехалі таксама ДАІшнікі (яны склалі на кіроўцу пратакол) і работнікі водаканала.
Фотаздымкі з месца здарэння з'явіліся ў Instagram.