Разбураная "Варта святла" ў Вільні / Ілля Міронаў
Невядомыя разбурылі мемарыял "Варта святла" ля агароджы амбасады Беларусі ў Літве. Акт вандалізму быў учынены ўночы на 26 жніўня.
Лампадкі "Варты святла" былі раскіданыя і разбітыя. Сіламі валанцёраў мемарыял быў хутка адноўлены, расказаў Еўрарадыё актывіст Ілля Міронаў.
Мемарыял "Варта светла" быў створаны ў 2022 годзе. Ён уяўляе сабой фота ўсіх вядомых ахвяраў рэжыму Лукашэнкі, а таксама беларусаў, якія змагаюцца супраць расійскай агрэсіі ва Украіне. Насупраць здымкаў стаяць лампадкі, якія кожны вечар запальваюць неабыякавыя беларусы.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут