У Віцебску на платах уздоўж Пакроўскай вуліцы з’явіліся цытаты з літаратурных твораў Марка Шагала. Акцыя прымеркавана да 130-х угодкаў з дня нараджэння славутага мастака. Менавіта на Пакроўскай вуліцы прайшло дзяцінства Шагала. Малавядомы факт, што ён займаўся літаратурнай творчасцю. Платы распісалі студэнты і вучні мастацкіх школ, паведамляе Радыё Свабода.