11 лістапада ў 9:09 раніцы ваўкавыскім ратавальнікам паведамілі пра пажар на тэрыторыі папраўчай калоніі па вуліцы Ракасоўскага. Да месца здарэння адразу ж адправілася тэхніка МНС, перадае прэс-служба ведамства.
Яшчэ да прыбыцця падраздзяленняў з небяспечнай зоны былі выратаваныя два мужчыны. Першы атрымаў апёкі твару і рук, другі атруціўся прадуктамі гарэння. Супрацоўнікі МНС знайшлі на падлозе пад сталом і вынеслі на свежае паветра трэцяга мужчыну. Усе яны адбываюць пакаранне ў папраўчай калоніі.
Пацярпелых даставілі ў раённую лякарню.
Ратавальнікамі удалося не дапусціць выхад полымя на дах. Суседнія будынкі таксама не загарэліся.
Мяркуецца, што прычынай пажару стала неасцярожнае абыходжанне з агнём.