Наступствы землятрусу ў Турцыі / АР
У Турцыі і на паўночным захадзе Сірыі падчас магутнага землятрусу загінулі больш за 2400 чалавек, тысячы параненыя, паведамляе Reuters. Ратавальнікі працягваюць разбіраць завалы, таму ахвяр можа быць значна больш. Сітуацыю ўскладняе халоднае надвор'е — людзі могуць не выжыць пад заваламі.
Землятрус магнітудай 7,8 бала здарыўся раніцай у панядзелак. У другой палове дня былі паўторныя штуршкі — магнітудай 7,7 бала. Яны паставілі пад пагрозу ратавальнікаў, якія разбіралі завалы.
Прэзідэнт Турцыі Рэджэп Таіп Эрдаган заявіў пра гістарычнае бедства і самы моцны землятрус у Турцыі з 1939 года. Паводле яго слоў, улады робяць усё, што ў іх сілах.
МЗС Беларусі заяўляе, што звестак пра пацярпелых падчас землятрусу беларусаў няма. Але некаторыя беларусы шукаюць сваіх блізкіх, якія перасталі выходзіць на сувязь.
To see this content visit the full version of this page.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут