Пажар на сядзібе Манюшкі ў Смілавічах / кадр з відэа СК
У Смілавічах пад Мінскам гарэла сядзіба Станіслава Манюшкі, паведамляе прэс-служба Следчага камітэта.
Здарэнне адбылося ўначы 22 чэрвеня. Агнём пашкоджаны флігель будынка, які з'яўляецца гісторыка-культурнай каштоўнасцю.
Адна з прыярытэтных версій узнікнення пажару — неасцярожнае абыходжанне з агнём.
Следчы камітэт займаецца праверкай па факце здарэння.
Сядзіба ў Смілавічах — радавое гняздо Станіслава Манюшкі, беларускага кампазітара, які лічыцца і заснавальнікам польскай нацыянальнай оперы. Ён жа напісаў музыку да "Сялянкі" Вінцэнта Дуніна-Марцінкевіча.
Сядзіба — помнік архітэктуры XVIII стагоддзя. Менавіта ў гэтым будынку нарадзіўся і вырас Станіслаў Манюшка.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут