У Смаргоні 27-гадовы рабочы ўпаў з 10-метровай вышыні. З цяжкімі траўмамі яго шпіталізавалі. У бальніцы малады чалавек знаходзіцца ўжо больш за тыдзень, паведаміў БЕЛТА афіцыйны прадстаўнік УСК па Гродзенскай вобласці Сяргей Шаршаневіч.
Здарэнне адбылося на прадпрыемстве "Кронаспан". Рабочы з барысаўскага прыватнага прадпрыемства чысціў трубу коміна ў адным з цэхаў. Адзначаецца, што ён не прышпіліўся страховачнай страпой, чым парушыў правілы тэхнікі бяспекі. У той момант рабочы быў цвярозы. Следчы камітэт праводзіць праверку.