Аўтамабіль Opel Astra у Славакіі ўрэзаўся ў групу дзяцей, паведамляе РБК.
Пры здарэнні 12 чалавек атрымалі раненні, дзве дзяўчынкі знаходзяцца ў цяжкім стане.
ДТЗ адбылося каля горада Попрад. За рулём аўто быў 66-гадовы мужчына. Паводле папярэдніх звестак, аўтамабіль занесла на павароце, і ён урэзаўся ў групу дзяцей, якія ішлі па ўзбочыне. Машына пры гэтым перакулілася.
Прадстаўнікі паліцыі кажуць, што ў крыві кіроўцы не было алкаголю. Сам мужчына пры аварыі не пацярпеў.
Паліцыя інфармуе, што двое дзяцей атрымалі сур'ёзныя траўмы, чацвёра — сярэдняй цяжкасці, яшчэ ў шасці — лёгкія раненні. У цяжкім стане знаходзяцца дзяўчынкі 11 і 14 гадоў.
Паліцыя вядзе расследаванне здарэння.