У Расіі з 25 лютага часткова абмяжоўваюць доступ да Facebook. Такое рашэнне прыняла Генпракуратура РФ па ўзгадненні з расійскім МЗС, і Раскамнагляд аператыўна адрэагаваў. Улады Расіі лічаць, што сацсетка датычная "да парушэння асноватворных правоў і свабод чалавека, а таксама правоў і свабод" расійскіх грамадзян, і чакаюць "выпраўлення парушэнняў", піша novayagazeta.ru. Facebook (Meta) выконваць патрабаванні не збіраецца.
Насамрэч, гэта рэакцыя Масквы на тое, што Facebook блакуе расійскую прапаганду, і не рэагуе на патрабаванні зняць абмежаванні.
Напярэдадні Раскамнагляд абавязаў СМІ Расіі пры асвятленні падзей ва Украіне выкарыстоўваць інфармацыю толькі з "афіцыйных расійскіх крыніц".
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут