Галіну Рубанаву выпісваюць з лякарні / vitvesti.by
Сваё выздараўленне Галіна Рубанава параўноўвае з цудам. 44 дні полацкая пенсіянерка, хворая на каранавірусную інфекцыю, правяла на штучнай вентыляцыі лёгкіх. Нядаўна яе выпісалі з лякарні — зараз ідзе складаны перыяд аднаўлення, пішуць "Витебские вести".
COVID-19 даў пра сабе ведаць кашлем і болямі ў паміж рэбрамі. Палачанка выклікала хуткую дапамогу. Фельчар пачуў шумы ў лёгкіх і прапанаваў шпіталізацыю. Тады Галіна Рубанава яшчэ не ведала, што правядзе ў Полацкай цэнтральнай гарадской лякарні 79 дзён, з якіх 44 не зможа дыхаць самастойна.
Ужо праз два дні пасля паступлення 67-гадовую жанчыну давялося перавесці ў рэанімацыю. У яе падскочыла тэмпература. Кампутарная тамаграфія паказала цяжкую вірусную пнеўманію. Пацыентку адразу ж падключылі да апарата ШВЛ.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.