У бліжэйшыя суткі, 15 лютага, у Беларусі будзе хмарнае з праясненнямі надвор’е. На большай частцы тэрыторыі пройдуць ападкі ў выглядзе дажджу і мокрага снегу. Месцамі магчымы туман.
Уначы і раніцай у асобных раёнах чакаецца слабы галалёд, на дарогах галалёдзіца. У паўночна-ўсходніх раёнах — наліпанне мокрага снегу.
Вецер будзе паўднёва-ўсходні, умеркаваны. Тэмпература паветра ўначы складзе ад мінус 4 да плюс 2 градусаў, удзень — плюс 1-6 градусаў, па поўдні будзе да 8 градусаў цяпла, перадае БЕЛТА са спасылкай на Рэспубліканскі цэнтр па гідраметэаралогіі, кантролі радыеактыўнага забруджання і маніторынгу навакольнага асяроддзя Мінпрыроды.