У бліжэйшыя суткі, 25 снежня, у Беларусі чакаецца хмарнае надвор’е. Уначы і раніцай у некаторых раёнах прагназуюцца слабыя туман і галалёд, на асобных участках дарог — галалёдзіца.
Вецер будзе паўднёва-заходні, умеркаваны, парывісты.
Тэмпература паветра ўначы складзе ад мінус 3 да плюс 2 градусаў, удзень будзе ад мінус 1 да плюс 4, перадае БЕЛТА са спасылкай на Белгідрамет.
Сіноптыкі таксама папярэджваюць пра небяспеку выхаду на лёд. Цяпер на вадаёмах і асобных участках рэк таўшчыня лёду не перавышае 10 см, ёсць вялікія палонкі. Падчас адлігі лёд будзе разбурацца яшчэ болей, што стварае рызыку найперш для аматараў зімовай рыбалкі.