10 ліпеня ў судзе Савецкага раёна Мінска пачаўся разгляд справы журналіста і блогера Змітра Галко, паведамляе "Наша Ніва".
Галко быў затрыманы на беларуска-украінскай мяжы 22 красавіка. Дагэтуль журналіст быў у вышуку — яго вінавацяць у збіцці міліцыянера.
У 2017 годзе 15-гадовы сын Галко святкаваў дзень народзінаў са сваімі сябрамі. Сам Зміцер быў у кватэры за старэйшага. Шум у кватэры прыцягнуў увагу міліцыі.
Па версіі міліцыі, Галко быў п'яны, ударыў міліцыянера, у таго нават разбіўся падчас патасоўкі тэлефон. Сын таксама біў міліцыянера.
Галко сцвярджае, што папрасіў міліцыянера выйсці з кватэры, каб патлумачыць сітуацыю. Але быў разам з сынам жорстка затрыманы.
Пасля здарэння Галко разам з сынам з'ехаў ва Украіну. Спачатку вярнуўся сын, потым і сам журналіст — нібыта вырашыць праблемы з падатковай. Пры гэтым ён ведаў, што знаходзіцца ў вышуку.
Галко віну не прызнае.