Наста Лойка / Еўрарадыё, архіўнае фота
13 чэрвеня ў Мінскім гарадскім судзе пачынаецца суд на праваабаронцай Настай Лойка. Яго адразу ж зрабілі закрытым.
Ёй выставілі абвінавачанне паводле ч. 3 арт. 130 КК (распальванне іншай сацыяльнай варожасці). Справу разглядае суддзя Алена Шылько.
Падставай для крымінальнай справы стаў даклад пра пераслед анархістаў і антыфашыстаў у Беларусі ў 2018 годзе. У ім даецца крытычная ацэнка дзейнасці міліцыянтаў.
За кратамі Лойка перабывае з кастрычніка 2022 года: спярша ёй прысудзілі адміністрацыйны арышт, а потым пачалі крымінальную справу.
Праваабаронцы пагражае да 12 гадоў калоніі.
Насту Лойка прызналі праваабаронцай года ў Беларусі.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут