Аляксандр Ярашук і Сяргей Антусевіч на судзе / БЕЛТА
Мінскі гарадскі суд 20 снежня пачаў разглядаць справу супраць кіраўнікоў Беларускга кангрэсу дэмакратычных прафсаюзаў, ліквідаванага ўладамі. На лаве падсудных апынуліся кіраўнік арганізацыі Аляксандр Ярашук, яго намеснік Сяргей Антусевіч і бухгалтарка Ірына Бут-Гусаім, перадае БЕЛТА.
Іх вінавацяць у дзеяннях, якія груба парушаюць грамадскі парадак (ч. 1 арт. 342 КК). Ярашуку таксама інкрымінуюць заклікі да міжнародных санкцый (ч. 3 арт. 361 КК), хаця ён заўжды публічна выступаў супраць усялякіх санкцый.
Усе падсудныя знаходзяцца пад вартай з 19 красавіка 2022 года.
У БКДП уваходзілі Свабодны прафсаюз беларускі (СПБ), Свабодны прафсаюз металістаў (СПМ), Беларускі прафсаюз работнікаў радыёэлектроннай прамысловасці (РЭП) і Беларускі незалежны прафсаюз (БНП).
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут