12.05 Аляксандр Лукашэнка прыбыў на цырымонію інаўгурацыі без малодшага сына Колі, які паўсюль суправаджае кіраўніка краіны. Цырымонія пачалася. Уступную прамову робіць старшыня ЦВК Лідзія Ярмошына. Яна кажа, што выбаршчыкі прынялі "адказнае рашэнне" ва ўмовах свабодных і дэмакратычных выбараў.
Лукашэнка прысягае на Канстытуцыі Беларусі, прамаўляючы па-беларуску.
***
Цырымонія інаўгурацыі Аляксандра Лукашэнкі пачынаецца ў Палацы Незалежнасці ў Мінску.
Як інфармуе БЕЛТА, на інаўгурацыю запрошана больш за тысячу гасцей, у тым ліку і замежных. Лукашэнка прынясе прысягу і падпіша адпаведны дакумент. Пасля ўрачыстыя мерапрыемствы пройдуць на плошчы Дзяржаўнага сцяга.
Нагадаем, паводле звестак ЦВК, на прэзідэнцкіх выбарах у кастрычніку 2015-га Аляксандр Лукашэнка набраў больш за 83%.
Паводле інфармацыі БелаПАН, на цырымонію запрошаныя сёлетнія экс-кандыдаты ў прэзідэнты — Мікалай Улаховіч і Сяргей Гайдукевіч. Кандыдатка Таццяна Караткевіч запрашэння не атрымлівала.