Магілёўская вобласць — апошні рэгіён краіны, дзе ў снежні павысіўся кошт праезду ў грамадскім гарадскім і прыгарадным транспарце.
Як паведамляе БелаПАН, 26 снежня праезд у аўтобусах і тралейбусах Магілёва і Бабруйска быў павышаны з 3500 да 4000 рублёў, экспрэсныя аўтобусы падаражэлі да 5000 рублёў.
Гранічны максімальны тарыф за адзін кіламетр прыгараднага праезду ў аўтобусах агульнага тыпу дасягнуў 550 рублёў, з мяккімі адкіднымі сядушкамі — 568 рублёў. На хуткасных маршрутах гэтыя сумы складаюць 715 і 739 рублёў адпаведна, а на экспрэсных маршрутах — 825 і 852 рубля адпаведна.
У іншых абласцях Беларусі праезд падаражэў тыдзень таму, у Мінску — 24 снежня.
Фота: beltransport.esmasoft.com