Чарга на ўчастак / delfi.lv
У суботу, 3 кастрычніка, у Латвіі праходзяць выбары ў Сейм. На 100 дэпутацкіх мандатаў прэтэндуюць 1428 кандыдатаў з 14 партыйных спісаў.
У Сейм праходзяць партыйныя спісы, якія набіраюць больш за 5% галасоў.
Як адзначае ББС, за ўсю гісторыю незалежнасці Латвіі ніводная партыя не атрымлівала больш за 35% галасоў. Таму пасля выбараў палітычным сілам даводзіцца дамаўляцца паміж сабой і фармаваць кіроўную кааліцыю.
У папярэднія пяць дзён, з 28 верасня да 2 кастрычніка ўключна, свае галасы на захоўванне перадалі (фактычна, прагаласавалі датэрмінова) 174 517 выбаршчыкаў. Гэта 11,2% ад іх агульнай колькасці.
Паводле звестак Цэнтральнай выбарчай камісіі, у 2026 годзе права голасу маюць больш за 1,55 мільёна грамадзян Латвіі.
У краіны існуе асобная катэгорыя неграмадзян, якія не маюць права ўдзельнічаць у парламенцкіх выбарах. На пачатак 2026 года, іх налічвалася амаль 160 тысяч чалавек, палова з якіх жыве ў Рызе.
Гэта людзі, якія прыехалі ў Латвію з іншых рэспублік былога СССР пасля 1940 года, а таксама іх нашчадкі. Большасць неграмадзян мае магчымасць здаць экзамен і атрымаць латвійскае грамадзянства. У параўнанні з першымі гадамі незалежнасці іх колькасць скарацілася ў некалькі разоў.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут