Крама "акіян" падчас рэканструкцыі / Еўрарадыё
У мінскі магазін «Акіян», які застаўся без легендарнай лускі ў выніку рэканструкцыі, вярнулі легендарную аздабленне. Пра гэта напісаў у Фэйсбуку архітэктар-рэстаўратар Раман Забела.
Паводле яго слоў, на момант пачатку рамонту, дэкаратыўныя панэлі не мелі ніякага афіцыйнага статусу і іх можна было "спакойна выкінуць".
— Доўга з калегамі з упраўлення па ахове спадчыны шукалі варыянты, каб гэтага не адбылося. У выніку 60 м2 найбольш добра захаванай лускі былі ўзятыя пад ахову і зараз з'яўляюцца часткай помніка. Палова яго з сённяшняга дня экспануецца ў інтэр'еры крамы (больш проста няма куды павесіць, паколькі панэлі, на здзіўленне, досыць лёгка пашкодзіць), — напісаў архітэктар.
Нагадаем, што луска з'явілася ў краме "акіян" каля 45 гадоў таму. Фішкай крамы былі рыбныя тавары, таму сцены аформілі бліскучай луской сталёвага колеру. Яе збівалі нямецкія спецыялісты. Яна запомнілася пакупнікам, магазін хутка стаў мінскай славутасцю.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут