Урсула фон дэр Ляен
/ twitter.com/vonderleyen
Кіраўніца Еўрапейскай камісіі Урсула фон дэр Ляен афіцыйна прыехала з візітам у Кіеў у гонар другой гадавіны поўнамаштабнай вайны з Расіяй. Чыноўніца паказала ў сацыяльнай сетцы X адпаведнае фота, а таксама паабяцала "цвёрда стаяць побач" з Украінай.
"У Кіеве, каб адзначыць гадавіну 2-га года вайны Расіі супраць Украіны. І каб адсвяткаваць незвычайную стойкасць украінскага народа. Больш чым калі-небудзь, мы цвёрда стаім побач з Украінай. Фінансава, эканамічна, ваенна, маральна", — заявіла фон дэр Ляен.
Яна ўдакладніла, што такая падтрымка ЕС будзе працягвацца "пакуль краіна не стане канчаткова свабоднай".
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут