У Гродзенскай вобласці загінуў п'яны падлетак — замёрз. Калі яго знайшлі, ён быў ужо мёртвы. Высветлілася, што прычынай смерці стала пераахаладжэнне арганізма. У крыві навучэнца Навагрудскага дзяржаўнага аграрнага каледжа (1999 года нараджэння) выявілі 1,9 праміле алкаголя. Трагічнае здарэнне адбылося яшчэ ў студзені, але пра яго стала вядома толькі цяпер. Пра гэта паведамляе БЕЛТА са спасылкай на пракуратуру рэгіёна.
Дарэчы, у студзені 2016-га ў Гродзенскай вобласці загінулі 5 непаўналетніх. Двое з іх скончылі жыццё самагубствам.