У Гродне жанчыну заціснула паміж аўтамабілямі. Здарэнне адбылося ўвечары 27 верасня. Муж з жонкай прыехалі ў госці і выйшлі з "Сітраена". Яны не паспелі зайсці ў дом, як пабачылі, што аўтамабіль пакаціўся, і кінуліся яго спыняць. Але гэта ў іх не атрымалася зрабіць. Калі мужчына паспеў адскочыць, дык жанчына — не. У яе траўмы ног. Жанчыну шпіталізавалі, інфармуе прэс-служба ДАІ УУС Гродзенскага аблвыканкама.
Пацярпелая прызналася, што машыну паркавала яна, пакінула яе на перадачы, а стаяначны тормаз не ўключала.