У панядзелак, 9 кастрычніка, у Гродне на сустрэчу з расійскім гісторыкам, філосафам, даследчыкам анархізму Пятром Рабавым завітаў АМАП. Яна мусіла адбыцца ў “Цэнтры гарадскога жыцця”. Праваахоўнікі прыйшлі яшчэ да пачатку сустрэчы. Як інфармуе сайт spring96.org, затрымалі каля 20 чалавек, у тым ліку і расіяніна. Іх прывезлі ў РУУС.
Вядома, што лекцыя Рабава мае назву “Лібертарная сацыяльная думка апошняй траціны ХХ — пачатку XXI стагоддзяў”. У аўторак філосаф збіраўся яе прачытаць у Баранавічах.