Увечары 7 траўня гамельчукі пабачылі густы дым у раёне аўтамабільнага моста на вуліцы Хатаевіча, які ўзняўся на некалькі дзясяткаў метраў.
Паводле інфармацыі сайта gomel.today, каля 20.15 загарэўся будынак былой транспартнай прахадной Гомельскага суднабудаўніча-суднарамонтнага завода. Ужо праз некалькі хвілінаў да месца здарэння прыбылі дзве спецмашыны Міністэрства па надзвычайных сітуацыях, міліцыя а таксама "хуткая дапамога". Ратавальнікі хутка ліквідавалі пажар. Ахвяраў і пацярпелых пры здарэнні няма.
Прычыны пажару высвятляюцца. Наўрад ці вінаватым стала кароткае замыканне электраправодкі, бо экс-прахадная даўно не падключаная да сілавой сеткі.
Дарэчы, апошнім часам завод амаль спыніў сваю вытворчасць. Значная частка яго тэрыторыі перададзеная ў арэнду прыватным прадпрыемствам альбо пустуе.