23 ліпеня каля 17:15 у Чэрвеньскім раёне Ford Focus трапіў пад грузавік MAN. Трагічнае здарэнне адбылося на 39-м кіламетры аўтадарогі Мінск — Магілёў. Як інфармуе прэс-служба міліцыі Мінскай вобласці, легкавік, якім кіраваў 23-гадовы жыхар Чэрыкава, раптоўна выехаў на паласу сустрэчнага руху, дзе і адбылося сутыкненне. Кіроўца загінуў на месцы аварыі. Што да вадзіцеля грузавіка, то ён не пацярпеў.