У цэнтры Оршы зранку 14 траўня прайшоў адзінокі несанкцыянаваны пікет, паведамляе мясцовы сайт orsha.eu.
Невядомы хлопец выйшаў у цэнтр горада да помніка Леніна каля 10-й гадзіны раніцы. На пастамент ён паставіў самаробны плакацік з надпісам "Па 500 тут няма". Гэты надпіс — намёк на пастаянныя абяцанні ўладаў зрабіць сярэдні заробак па краіне 500 долараў у эквіваленце. Сам малады чалавек каля таблічкі проста чытаў кнігу.
Па словах мінакоў, прастаяў ён толькі каля 15 хвілінаў, пакуль яго не затрымалі.
Загадзя пра акцыю не паведамлялася. Імя пікетоўца таксама невядомае.