Робіцца спроба "сістэматызаваць рэгуляванне спажывецкага крэдытавання" / t.me/zerkalo_io/
У Беларусі мабільныя аператары змогуць выдаваць мікрапазыкі. Гэта прадугледжвае законапраект "Аб спажывецкім крэдыце (мікразаймы)", распрацаваны Нацбанкам і прыняты ў сераду Палатай прадстаўнікоў у першым чытанні. З яго дапамогай робіцца спроба "сістэматызаваць рэгуляванне спажывецкага крэдытавання". Сярод задач новаўвядзення — пашырэнне даступнасці мікрафінансавання.
Банкі абавязваюць прадастаўляць "грамадзянам, якія знаходзяцца ў цяжкай жыццёвай сітуацыі", адтэрміноўку плацяжу па дамове на тэрмін не менш за тры месяцы. Абмяжоўваюцца адсоткі па мікразайме, яны не могуць перавышаць яго суму.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут