Крама Oliva
Новая сетка крам касметыкі і бытавой хіміі з'явілася ў Беларусі, паведамляе Office Life.
Першая крама пад брэндам Oliva запрацавала ў жылой шматпавярхоўцы ў 19-м мікрараёне Гомеля на вуліцы Барадзіна. Сетка мае ўсе шанцы на пашырэнне, бо за ёй стаіць буйны беларускі рытэйлер.
Oliva належыць кампаніі "Дабраном", якой належаць крамы "Копеечка" і дыскаўнтары "Маяк".
Адзначаецца, што брэнд будзе развівацца ў фармаце "крама каля дома" і спецыялізавацца на так званым сегменце дрогеры — гэта невялікія крамы крокавай даступнасці, дзе прадаюцца непрадуктовыя тавары штодзённага попыту.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут