У беларусаў у 2017 годзе было ва ўласнасці амаль 3 мільёны легкавых аўтамабіляў (2 972 700). Найбольш іх у Мінску (634 400), у Мінскай (473 800) і Брэсцкай (449 400) абласцях, найменш — у Магілёўскай вобласці (302 400), сведчыць Нацыянальны статыстычны камітэт у зборніку "Транспарт і сувязь у Рэспубліцы Беларусь" (Мінск, 2018).
Таксама грамадзяне нашай краіны мелі ў асабістай уласнасці больш за 137 тысяч грузавікоў, больш за 11 тысяч аўтобусаў. Што да арганізацый, то яны летась валодалі 122 тысячамі легкавікоў, амаль 269 тысячамі грузавых аўтамабіляў, 32 тысячамі аўтобусаў.