23 жніўня каля 13-й гадзіны жыхары Бабруйска сталі сведкамі незвычайнага відовішча на вуліцы Кастрычніцкай. Як піша "Вечерний Бобруйск", фантан гарачай вады выбіў люк. Відавочцы знялі здарэнне на відэа. На ім бачна, што вышыня "гарачай крыніцы" была некалькі метраў.
Пазней выявілася, што аварыя адбылася пры гідраўлічных выпрабаваннях.
Паведамляецца, што спецыялісты цепласетак аператыўна ліквідавалі аварыю.