У Смалявіцкім раёне распачаліся здымкі 4-серыйнага фільма пра народнага паэта Беларусі Янку Купалу (1882 — 1942, сапраўдныя імя і прозвішча — Іван Луцэвіч). Яго працоўная назва — "Пакуль будзе неба". Будзе паўнаметражны фільм і 4-серыйная версія.
Рэжысёр Уладзімір Янкоўскі спадзяецца, што атрымаецца фестывальнае кіно (ён кажа, што гэта "галоўны праект яго жыцця"). У фільме гучаць чатыры мовы — беларуская, руская, польская і літоўская. Здымкі пройдуць у нашай краіне, у Расіі (у Маскве) і Літве (у Вільні).
У фільме будзе шмат вершаў, алегорый і сноў. Паколькі фактаў рамантычнага жыцця Янкі Купалы не шмат, некалькі эпізодаў давялося прыдумаць з дапамогай літаратуразнаўцаў.