У Бабруйску трохгадовая дзяўчынка выпала з акна кватэры на другім паверсе. Яе давялося шпіталізаваць у лякарню з цяжкой спалучанай траўмай. Пра гэта БЕЛТА паведамляе са спасылкай на УУС Магілёўскага аблвыканкама.
Трагедыя здарылася 27 сакавіка каля 16.20. Паводле папярэдніх звестак, дзяўчынка заставалася дома адна, пакуль 31-гадовая мама са старэйшым дзіцем хадзіла ў краму.
Праваахоўнікі праводзяць праверку па гэтым факце, каб выявіць усе акалічнасці здарэння. Праверка вызначыць вінаватасць маці ці іншых асоб у здарэнні.