13-16 снежня ў Мінску пройдзе чацвёрты фестываль дакументальнага кіно аб правах чалавека WATCH DOCS. Гэта добрая нагода не толькі паглядзець класнае кіно, але і абмеркаваць “стрэсавыя” тэмы з экспертамі, падзяліцца думкамі і натхніцца на лепшае.
Арганізатары фэста запусцілі краўдфандынгавую кампанію на платформе Talaka. З кіраўніцай праекта Таццянай Яворскай мы абмяркоўваем, чаму WATCH DOCS вартыя падтрымкі, пра што будуць сёлетнія фільмы, на што пойдуць сабраныя грошы і якія плюшкі ты атрымаеш, калі вырашышся ахвяраваць.
Дарэчы, Talaka дагэтуль не прымае ахвяраванні праз траблы з плацёжнай сістэмай. Але плацёж можна паабяцаць, і яны будуць здзейсненыя, калі сістэма запрацуе.
Слухаць ці запампаваць падкаст размовы ніжэй.