Карціна "Бітва пад Оршай"
8 верасня адзначаецца Дзень беларускай вайсковай славы — неафіцыйнае свята ў гонар бітвы пад Оршай 1514 года.
У гэтай бітве войскі Вялікага княства Літоўскага пад камандаваннем гетмана Канстанціна Астрожскага нанеслі паразу значна большаму маскоўскаму войску, якое імкнулася захапіць беларускія землі. Менавіта ў Аршанскай бітве 1514 года ці не ўпершыню ў гісторыі была выкарыстаная палявая артылерыя, якая дапамагла князю Астрожскаму перамагчы.
Гэтая перамога не толькі спыніла наступ маскоўскіх войскаў, але і разбурыла ўтварэнне кааліцыі заходніх манархаў супраць тагачаснага караля і вялікага князя Жыгімонта І Старога.
У Беларусі публічна адзначаць дату 8 верасня сталі ў 1990-х гадах. У 1992 годзе ў цэнтры Мінска афіцэры-патрыёты з Беларускага згуртавання вайскоўцаў прынеслі сімвалічную прысягу незалежнай Беларусі. Пад Оршай праводзіўся бардаўскі фэст, прымеркаваны да даты бітвы.
To see this content visit the full version of this page.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут