"Сумленныя людзі" падалі больш за 1500 заявак ва ўчастковыя выбарчыя камісіі

Чытаць болей: Честные люди: на выборах белорусы хотят не только наблюдать, но и считать голоса

21 чэрвеня быў апошні дзень, калі можна было вылучыцца ва ўчастковыя выбарчыя камісіі. Для гэтага трэба было запоўніць пару дакументаў і сабраць 10 подпісаў ад людзей, зарэгістраваных на тэрыторыі выбарчага ўчастка.

Кампанія атрымалася масавай — у працы "Сумленных людзей" паўдзельнічалі тысячы беларусаў. Гэта не толькі людзі, якія адважыліся сабраць подпісы і вылучыцца ў УВК, а і тыя, хто дапамагалі складаць заявы, распрацоўвалі прыкладанні для пошуку аднадумцаў і г.д.

Пасяджэнні, на якіх будуць разглядацца заявы вылучэнцаў і вызначацца склады УВК, пройдуць 22 і 23 чэрвеня. Ці атрымаюць "простыя" беларусы доступ да падліку галасоў на прэзідэнцкіх выбараў 2020 года, стане зразумела 24 чэрвеня.