Суд над пісьменнікам Уладзімірам Арловым перанесены на 10 студзеня. Такое рашэнне прыняла суддзя Ленінскага раёна Мінска Марына Запаснік.
Уладзімір Арлоў паведаміў суду, што знаходзіцца за мяжой, і прапанаваў правесці працэс без яго. Аднак суддзя не пагадзілася і перанесла суд.
Суды над удзельнікамі акцыяў за незалежнасць Беларусі праходзяць сёння ў некалькіх сталічных судах. Несанкцыянаваныя акцыі прайшлі 7-8 снежня. Уладзіміра Арлоў зачытваў на мітынгу сваё эсэ "Незалежнасць — гэта...", напісанае 30 гадоў таму і актуальнае дагэтуль.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.