За амаль тры дзесяцігоддзі незалежнасці Беларусь так і не здолела сфармуляваць нацыянальную ідэю. Яе няма ні ва ўлады, ні ў апазіцыі. Але, чым далей без нацыянальнай ідэі, тым горш. Таму прыспеў час распачаць дыскусію і вызначыць, сфармуляваць яе. Еўрарадыё запусціла новую аўтарскую праграму ― “Ідэя Х“. Вядуць яе палітычны аглядальнік Еўрарадыё Зміцер Лукашук і маскоўскі філосаф, калумніст і хіпстар-падарожнік Максім Гаруноў.
Праграма выходзіць раз на тыдзень па чацвяргах (а 16.05)
26 ліпеня ў студыі Еўрарадыё Стась Карпаў ― блогер, грамадскі актывіст і… беларускі Ісус. Менавіта такую выснову зрабіў пра Карпава Максім Гаруноў: “Я пачуў Нагорную пропаведзь. Беларускі Ісус Карпаў выйшаў на гару, вакол яго расселіся вучні, і ён пачаў ім казаць: паважай беларуса за тое, што ён беларус, вучы беларускую мову, еш беларускую кухню, барані сваё…”.