Аўтобус, ілюстрацыйнае фота / blizko.by
Штомесяц у мінскім грамадскім транспарце кантралёры выяўляюць каля пяці-шасці тысяч безбілетнікаў. Такія лічбы назваў генеральны дырэктар "Мінсктранса" Канстанцін Галалобаў, перадае дзяржаўнае інфармагенцтва "Мінск-Навіны".
Галалобаў паведаміў, што ў кантрольнай службе "Мінсктранса" налічваецца каля 350 чалавек.
"Штомесяц імі ў сталіцы выяўляецца ў сярэднім каля 5-6 тыс. пасажыраў, якія не аплацілі своечасова праезд у наземным грамадскім транспарце. Нагадаю, што штодня ў горадзе перавозіцца каля 1,2 мільёна пасажыраў", — заявіў чыноўнік.
Штраф за безбілетны праезд у Мінску складае 0,5 базавай велічыні. На сёння гэта 22,5 руб.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут