Каліноўцы / прэс-служба палка Каліноўскага
Стала вядома, колькі беларусаў цяпер ваююць у якасці добраахвотнікаў ва Украіне.
"Гаворка ідзе пра некалькі сотняў чалавек — яны на гэты момант ваююць у розных падраздзяленнях Украіны", — заявіў на канферэнцыі "Новая Беларусь" у Вільні прадстаўнік Асацыяцыі беларускіх добраахвотнікаў Андрэй Кушняроў.
У цэлым праз украінскую вайну прайшло ўжо больш за тысячу беларусаў, кажа Кушняроў.
"1300 прыкладна чалавек ужо дэмабілізаваліся за перыяд з 2014 года. Гэта дадзеныя на пачатак года. І прыкладна 350 чалавек на пачатак года ў нас служыла ў розных падраздзяленнях на тэрыторыі Украіны ў ВСУ. Гэта прыкладныя лічбы", — адзначыў ён.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут