Шведская пракуратура закрыла крымінальную справу аб згвалтаванні, пачатую на заснавальніка сайта WikiLeaks Джуліяна Асанжа, перадае Бі-Бі-Сі. Падрабязнасці пакуль не паведамляюцца.
Аднак Асанж па-ранейшаму не можа пакінуць тэрыторыю эквадорскай амбасады, бо існуе брытанскі ордэр на яго арышт.
У 2012 годзе Асанжа арыштавалі на тэрыторыі Вялікабрытаніі па запыце шведскай пракуратуры. Калі яго выпусцілі пад заклад, то Асанж уцёк у амбасаду Эквадора.
Паліцыя Вялікабрытаніі заявіла, што затрымае Асанжа, калі ён выйдзе за межы амбасады, бо ордэр на яго затрыманне ад 2012 года захоўвае моц. Праўда, непадпарадкаванне суду — артыкул, значна лягчэйшы, чым абвінавачванне ў згвалтаванні.