13 студзеня ў клубе "Графіці" гурт "Палац" на чале з Алегам Хаменкам святкавалі шчодры вечар. Каманда прадставіла свае лепшыя калядныя песні (а іх за 25-гадовую гісторыю гурта назбіралася вельмі шмат), казку "Салдат-доктар" і паклікала разнастаіць канцэрт калядоўшчыкаў.
Як вядома, вечар 13-га студзеня беларусы лічаць шчодрым: гаспадары ставяць на стол багатую куццю, а да іх прыходзяць шчадраваць калядоўшчыкі з песнямі і казой.