Цэны на жыллё ў Астраўцы / Скрыншот Еўрарадыё
У Астраўцы — сціплым райцэнтры ў Гродзенскай вобласці Беларусі — зашкальваюць цэны на арэнднае жыллё. За двухпакаёвую кватэру хочуць $878 на месяц! І аб'яў з лічбамі такога парадку ў інтэрнэце нямала.
Пры гэтым "двушка" ў абласным цэнтры вам будзе каштаваць $250-$300 у месяц. У чым справа?
Недалёка ад Астраўца ўжо некалькі гадоў будуецца атамная электрастанцыя. Мясцовыя жыхары куюць жалеза, пакуль яго гарачае.
Анамальна высокія цэны заўважыў фатограф Сяргей Гудзілін. "Неяк нават смешна ўсведамляць, што, у прынцыпе, можна здаць двушку ў Астраўцы і на розніцу паспрабаваць прыстойна жыць у Мінску", — напісаў ён.
"Гэта долары ці рэнтгены?" — жартуюць у каментарах.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.