На памежнай заставе ў Лынтупах у Віцебскай вобласці адбылося надзвычайнае здарэнне. Як піша onliner.by, 13 сакавіка тут застрэліўся салдат тэрміновай службы. Пры гэтым хлопец быў стараслужачым і муіў сысці на дэмбель ужо ў траўні.
Начальнік прэс-цэнтра Дзяржаўнага памежнага камітэта Аляксандр Цішчанка пацвердзіў інфармацыю. Паводле папярэдняй версіі, кажа ён, салдат учыніў самагубства з-за праблем з дзяўчынай.
Цяпер расследаваннем здарэння займаецца Следчы камітэт.