Падчас расійскага ракетнага абстрэлу Львова загінулі шэсць чалавек, а восем атрымалі раненні. Пра гэта піша старшыня Львоўскай абласной ваеннай адміністрацыі Максім Казіцкі.
Па інфармацыі Паветранага камандавання "Захад", зранку ў панядзелак па Львове былі нанесеныя чатыры ракетныя ўдары. Тры прыпалі на аб'екты ваеннай інфраструктуры, адзін — па шынамантажы. Пажары, выкліканыя ракетнымі ўдарамі, яшчэ тушаць.
"Па стане на гэты час вядома пра 6 загінулых і 8 пацярпелых. Сярод пацярпелых — адно дзіця", — паведамляе Казіцкі.
Як распавядала Еўрарадыё, зранку 18 красавіка расійскія войскі нанеслі ракетныя ўдары па Львове і Кіеве.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут