Стэн Нёрлаў / coe.int
Часовым павераным у справах Еўрасаюза ў Беларусі прызначаны Стэн Нёрлаў, піша тг-канал "Позірк".
Пра яго прызначэнне 20 красавіка абвясціў Вярхоўны прадстаўнік ЕС па замежных справах і палітыцы бяспекі Жазэп Барэль.
Раней Нёрлаў кіраваў офісам прадстаўніка Генеральнага сакратара Савета Еўропы (СЕ) па каардынацыі праграм супрацоўніцтва СЕ ва Украіне. Таксама ён быў намеснікам кіраўніка місіі амбасады Даніі ў Расіі.
Дагэтуль часовай паверанай у справах ЕС у Беларусі была Эвеліна Шульц. Яна ўзначаліла дыпмісію ў Мінску, калі кіраўнік дыппрадстаўніцтва Дзірк Шубель улетку 2021 года пакінуў краіну па патрабаванні беларускіх уладаў.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут