Беларус у Бахмуце / t.me/belwarriors/
Беларускія байцы з батальёна "Волат" палка Каліноўскага па-ранейшаму ўдзельнічаюць у абароне Бахмута ад расійскіх акупантаў. У сераду апублікаваныя чарговыя здымкі з гэтага ўкраінскага горада, а на іх — беларускія добраахвотнікі.
"Фартэцыя Бахмут і Полк Каліноўскага на яе абароне, — піша ў каментары прэс-служба падраздзялення. — Вызвалім Украіну, а за ёй і Беларусь!".
Бахмут застаецца адной з самых гарачых кропак на фронце. Расіяне спрабуюць акружыць горад. "Сітуацыя у Бахмуте самая складаная з усіх сітуацый, якія ёсць на тэрыторыі нашай дзяржавы", — сказаў 15 лютага ўкраінскі прэзідэнт Уладзімір Зяленскі. Ён адзначыў гераізм абаронцаў, якія знішчаюць "па максімуме сілы ворага".
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут