Мінчанка Марыя Васілевіч заваявала сёлета тытул "Міс Беларусь 2018", перадае БЕЛТА. Фінал нацыянальнага конкурсу прыгажосці прайшоў у сталічным Палацы спорту.
Пераможцу ўганаравалі каронай, вырабленай у 2004 годзе. Упрыгожванне вагой 120 г выкананае з белага золата і ўсыпанае паўтысячай фіянітаў і тапазаў.
Дзяўчына будзе сёлета прадстаўляць Беларусь на конкурсе "Міс свету", а таксама ўдзельнічаць у розных культурных, дабрачынных акцыях у краіне і па-за яе межамі.
Таксама Васілевіч атрымала спецыяльныя прызы, галоўны з якіх — пазадарожнік Geely Atlas.