У італьянскім горадзе Павія ў бальніцы пасля сардэчнага прыступа памёр стваральнік "Кіндэр-сюрпрыза" Уільям Салічэ. Яму было 83 гады, паведамляюць італьянскія СМІ.
Салічэ 47 гадоў працаваў у кампаніі Ferrero, быў бліжэйшым памочнікам яе гаспадара Мікеле Ферэра. Нягледзячы на тое, што Уільяма Салічэ лічаць вынаходнікам у пачатку 1970-х шакаладных яек з падарункам унутры, сам ён сябе называў толькі выканаўцам, а ідэю аддаваў Ферэра.