“Пад шэрым небам”. Як гледачы замежжа ўспрынялі кіно пра беларускіх палітвязняў

Чытаць болей: “Кино про любовь, а не протест”. О чем расскажет фильм о политзаключенных

Менавіта стасункі Ільяша і Андрэевай у пэўнай ступені адлюстраваныя ў стужцы “Пад шэрым небам”, а Ігар кансультаваў сцэнарыстаў.

Вось што Ігар пісаў у фэйсбуку ў красавіку 2024 года, пасля прагляду фільма.

“Адразу хачу сказаць, што рэжысёрка Мара Тамковіч паставілася да нашай гісторыі з вялізарнай адказнасцю і беражлівасцю. Падчас працы над фільмам мы шмат размаўлялі, абмяркоўвалі падзеі апошніх гадоў, я распавядаў дэталі, пра якія ніхто не ведае. І мае заўвагі звычайна ўлічваліся. Пры гэтым я не настойваў на дакументальнай дакладнасці, добра разумеючы, што гэта мастацкі твор”.

Ігар лічыць, што гэтая гісторыя ўжо не належыць толькі ім і іх бацькам.

Гэтыя падзеі ўплецены ў сучасную гісторыю Беларусі і з’яўляюцца іх неад’емнай часткай. А на мастацкае асэнсаванне гісторыі краіны ні ў каго манаполіі быць не можа. Таму галоўная парада для ўсіх, хто будзе глядзець стужку ўпершыню: улічвайце, што фільм толькі “натхнёны сапраўднай гісторыяй”. Імёны галоўных герояў — не Каця і Ігар. Гэта ўсё-такі асобныя персанажы”.

Журналіст лічыць, што атрымаўся годны фільм. 

“Я не магу сказаць, што мне ўсё спадабалася. Чыста стылістычна — гэта не маё кіно. “Пад шэрым небам” зроблена ў вельмі стрыманай, мінімалістычнай манеры, а я хутчэй прыхільнік экспрэсіўнага аповеду, тым больш што гэта было б бліжэй да характару Каці. Але тут справа густу: як я ўжо сказаў раней, нельга забывацца, што гэта мастацкі твор”.
 

“Гэта не 80-я і не 90-я, а 2020 год”

Пакуль што “Пад шэрым небам” паказалі на двух фестывалях — у чэрвені ў Нью-Ёрку, на фестывалі “Трайбека”, і на мінулым тыдні ў Гдыні. У сэрвісах кінаманаў Letterboxd і Filmweb ужо можна адшукаць меркаванні гледачоў.

Чытаць болей: Фільм пра палітзняволеную пакажуць на кінафестывалі ў Нью-Ёрку — эфір

Карыстальнік Грэг Нюсен паставіў 4 зоркі з 5 і назваў стужку “вельмі кранальнай”.

“Фільм найбольш моцны ў адлюстраванні даміно-эфекту бясконцага псіхалагічнага тэрору: маніпуляцый з боку дзяржаўных чыноўнікаў, баязлівасці адвакатаў і як усё гэта пачынае атручваць сямейную атмасферу”.

А вось Станіславу Собчыку стужка зусім не спадабалася. 

“Вельмі стандартная драма пра барацьбу рэжыму і асобы, якая не прапануе нічога, акрамя актуальнай тэмы. Па сцэнары і форме фільм Мары Тамковіч проста нудны, адзіная арыгінальная ідэя — расказаць гісторыю з пункту гледжання мужа. Пастановак такога кшталту было шмат і часта [яны] зробленыя нашмат цікавей”, — напісаў кінаман, паставіўшы дзве зоркі з пяці.

“Фільм з цяжкой тэматыкай, які прымушае задумацца”, — пракаментавала карыстальнік miauzofia.

Кінаман пад нікам KrystMid палічыў, што “Пад шэрым небам” зроблены з выключнай халоднасцю і адсутнасцю вялікай рэжысёрскай зацікаўленасці.