Аўтааварыя з трагічным вынікам адбылася зранку 21 ліпеня на аўтадарозе, якая злучае Малую Бераставіцу і Крынкі, паведамляе gaigrodno.by.
Паводле інфармацыі ДАІ, кіроўца БМВ няправільна выбраў хуткасць руху, не справіўся з кіраваннем і з'ехаў у левы па руху кювет. Акрамя яго ў салоне аўто былі яшчэ два пасажыры.
Пры аварыі два чалавекі загінулі на месцы — аднаму 26, другому 25 гадоў. 20-гадовы ўраджэнец Мінскай вобласці знаходзіцца ў рэанімацыйным аддзяленні мясцовай лякарні.
Ніводзін з хлопцаў, якія знаходзіліся ў салоне БМВ, не быў прышпілены рамянямі бяспекі. Гэта паўплывала на цяжкасць траўмаў, кажуць супрацоўнікі ДАІ.
Па факце ДТЗ Следчы камітэт пачаў крымінальную справу.